Манчэстэр Ситигийн эсрэг Ливэрпүүл ... зарим статистик
Прэмьер Лигт нэг ч хожигдолгүй яваа Клоппын Ливэрпүүл, өнгөрөгч улирлын аварга цолыг хамгаалагч Гуардиолагийн Манчэстэр Сити нар өнөө шөнө ээлжит тулаанаа хийнэ ... Энэ тоглолт дэлхий нийтийн анхаарлын төвд байгаа учраас зарим нэг статистикууд оруулъя ... Тоглолт болтол статаар зугаагаа гаргажий андууд аа ... Энэ тоглолтоос энэ улирлын Лигийн өнгө ерөнхийдөө шийдэгдэх прогнозтой байна.
2016 оны 12-р сард хоёр эрхэм анхлан будант Албионы газар нутагт тулаанаа эхлүүлсэн байдаг. Үүнээс хойш 7 удаа учирснаас Клопп 4 ялалт байгуулж, 2 тэнцэн, нэг ялагдсан байдаг. Нэг ялагдал нь өнгөрсөн улирлын эхэнд Садио Манэ, Эдэрсоны толгой руу жийж ороод улаан жавтий хүртэн тоглолтын эхний хагасаас Ливэрпүүл нэг хүн дутуу тоглосноос үүдсэн хожигдол юм. Харин энэ улирлын эхний тэнцээ бол хоёр мэнэжэр хөлбөмбөгийн талбайд шатар нүүх лугаа тоглож, мэнэжэрүүдийн бүү хэл үзэгч фэнүүд ч тархи толгойгоо ажиллуулан байж үзэхээр хүндхэн тоглолт болж багууд тэнцсэн.
Клопп, Дортмундад байхаас, Гуардиола Баерн болон Барсэлонад байх үеэс хойш өнөө цагийн хөлбөмбөгийн ертөнцийг тодорхойлж буй хоёр эрхэм хоорондоо 15 удаа таарч тоглосноос Клопп 8 удаа ялалт байгуулж байсан байна.
Улаанууд Ситигийн талбайд 10 удаа Прэмьер Лигийн хүрээний тоглолтоос тэнцээ авсан нь Арсэналын талбайд 11 удаа тэнцээ авсны дараа орох үзүүлэлт юм байна.
Робэрто Фирмино, Ситигийн эсрэг анхны гоолоо оруулж байсан бөгөөд тэр тоглолт 2015 оны 11 –р сард, Этихад стадионд болсон тоглолт байжээ. Ливэрпүүл энэ тоглолтонд 4-1 –ээр ялалт байгуулсан.
Фирмино Ливэрпүүлийн төлөө 23 зочлон тоглолтондоо гоол оруулсан бөгөөд тэр гоолдсон л бол Ливэрпүүл хожигддоггүй юм гэнэ. 20 ялалт авч, 3 тэнцээ хийжээ.
Прэмьер Лигийн хүрээнд Фирмино 43 гоол оруулсан нь Лигт Бразил тоглогчдын оруулсан гоолын дээд рекорд болоод байна... Энэ үзүүлэлт цааш нэмэгдээд, үргэлжлэх нь тодорхой ...
Улаанууд эсрэг багийн талбайд зочилсон сүүлийн 10 тоглолтондоо ялагдал амсаагүй яваа нь 1992 онд үзүүлсэн клубын дээд амжилтын 6-д бичигдэх амжилттай зэрэгцэн иржээ. 1989 онд тэд зочлон тоглолтоос ялагдал хүлээгээгүй нь дээд амжилт аж.
Өнөөдөр Шакири талбайд гарвал тэр Прэмьер Лигийн 100 дахь тоглолтоо хийнэ.
Мөн та нарын явлаа гэж айгаад байгаа Даниэл Старриж улаануудын төлөө 150 дахь тоглолтоо хийх боломжтой юм байна.
Мо Сала, Ситигийн эсрэг тоглосон сүүлийн 4 тоглолтынхоо 3-т нь гоол оруулсан. Мөн тэр Ливэрпүүлийн төлөө цомын болон Лигийн хүрээний сүүлийн 6 тоглолтондоо 7 удаа эсрэг багийн хаалганы торыг хөдөлгөчихөж.
Сүүлд Этихадад 5:0 –ээр хожигдсоныхоо дараа Ливэрпүүл лигийн хүрээнд 54 тоглолт хийснийхээ 4-т нь ялагдал хүлээж, 14 тэнцээ хийж, 36 ялалт байгуулжээ.
Хэрэв Ливэрпүүл ялалт байгуулбал тэд 10 лигийн тоглолт дараалан ялалт байгуулсан амжилт үзүүлэх бөгөөд хамгийн сүүлд 2013/04 оны улирлын алдарт САС довтолгооны гурвалтай “домогт” Брэндан Рожэрс мэнэжэрийн хамт үзүүлсэн 11 тоглолт дараалан ялалт байгуулсан амжилтанд ганцхан алхам дөхөж очих болно.
ПиЭс: Ганц эсрэг үзүүлэлт байгаа нь Ситигийн Аргэнтин довтлогч Сэрхио Агуэро Ливэрпүүлийн эсрэг Этихаддаа хийсэн сүүлийн 6 тоглолтондоо бүгдэд нь гоолдсон гэсэн үзүүлэлт л байна.
За тэгээд Бразилын наамбар уан хаалгачийн эсрэг наамбар хоёр нь, Робэртсоны эсрэг Money boy, Агуэрогийн эсрэг Фирмино, Салагийн эсрэг Агуэро гэх мэт өчнөөн статистикийн тулаанууд өнөө шөнө бас байгаа ...
enjoy ... #MCILIV #TITLERace
#НисдэгЧэстмир гш :p
